好！我跑！

話說之前大病之後，(又)同老婆討論健康問題。冇錯係(又)因為已經講過好多次。

對於乜都有興趣嘅我，結婚生仔之後，已經冇乜時間。在眾多取捨之下，自然少了很多時間做運動。以前唔運動都尚算可以，但人到中年，新陳代謝減慢，真係郁少啲都即刻又頹又肥⋯

阿仔越來越大，工作又越來越煩，所需的精神和體力要求也越來越高。但人老了，機能減弱，一不小心，身體不適和精神不振很容易做成一個惡性循環，整個人會變得越來越差。一些身體的警號：瞓得唔好、手軟腳軟、心情低落，其實係自己知自己事，冇得呃嘅。

提起決心，計劃每晚阿仔瞓後，去跑一個鐘。寫這篇的時候，其實已經連續三晩去跑了。感覺還不錯，希望這次熱度可以超過三分鐘～

之但係，比一個理由自己努力，也需要點配套。為了每天都可以跑，幾天來就買了以下的東西：

• 五條短褲（其實我唔多著短褲）
• 五對運動襪（同樣地我係唔多白運動襪）
• 一對跑步鞋（對現有波鞋已經殘破不堪）
• 一個水壺
• 一隻電子錶

華麗準備但後勁未必十足呢方面，我其實都幾consistent的。