進入一年的第四季，日夜溫差開始變得相當大，中午熱到出汗，夜晚卻涼到打顫。加上疫情反覆無常，作為父母真是頗為擔心小朋友的健康。 老婆用心良苦，叫兩隻馬騮夜晚瞓覺時，著返條長褲。 「我唔著長褲架！」細佬首先發難。 「我都唔著長褲架！」哥哥照跟。 「長褲！好痕架！」兩兄弟同步再重覆強調。 我加入戰團，軟硬兼施，還是未能成功。 面前是自己的兒子，我們當然理解。細佬自細有濕疹，皮膚唔乾都易痕；哥哥天生超敏感，有野掂住就周身唔自在。這兩個坐擁「踢被王」綽號的兄弟，床上再多的被子，每朝也是被踢得堆到床尾，就算使用防踢的小孩被袋，他們亦有能力鬆開，再踢飛床尾。天下間應該只有出世的時候，醫院那塊包布可以箍得住他們。 要他們著長褲？除非是外出，或是他們真的感到很凍主動要求，否則難過登天。 哥哥算是長大了，已經可以講道理，氹多兩氹還算是勉強肯著長褲睡覺，但細佬仍未成功。 今晚，就捉住細佬在梳化講數： 「阿鼻水先生，天氣真係開始凍，唔著番條長褲好易冷親㗎。」我帶點說笑，其實是懇求。

用了 Apple Watch 已經超過一個月，來分享一下日常經驗。又來 Set the Scene 先：我是朝９晚Ｎ打工仔，Ｎ由７至１１不等，由早到晚都係坐在辦公室那種。 很多人認為，Apple Watch 只是另一種 gadget，和其他科技玩意一樣，多個沈迷的理由。但事實上，在用了 Apple Watch 之後，我竟然少用了 iPhone。平時自己一個人的時候，總會常常拿電話出來撳撳撳，主要只是看看有沒有 miss 重要資訊，其次是百無聊賴，睇下呢樣睇下果樣。 日常生活中，資訊大概只有兩類：「睇左就算」和「需要跟進」，就個人經驗而言，前者出現機會比較多。如何令「需要跟進」的事情不被遺漏，和減低「睇左就算」的資訊污染，

無聊小故事。 近日跑步，少不了耳機加音樂。我是陳醫生 fan 屎，他的歌當然也時常跟身。今晚跑步，隨機 loop 了著名的「男人部曲」。 所謂的「男人部曲」，是 Eason 由 2005 年的《葡萄成熟時》開始，到 2010 年的《陀飛輪》作結，中間幾首歌曲，圍繞男士們的玩樂誌，借喻人生。 人到中年，搵到少少錢，男士間的話題常有酒、車、相機和錶。在 Wyman 筆下，以釀酒比喻愛情滋味；以車展示私人空間；以相機提醒人生的多姿多彩；以錶反思物質追求。 記得幾年前，我還是一支公時，和朋友講起這幾首歌的時候，有以下有趣的對話： 最佳損友甲：「其實我樣樣都有興趣，但冇錢，得個睇字。」 毒男我：

用了 Apple Watch 差不多三星期，來分享一下運動方面。早前講過，Apple Watch 其實並非很好，還有很多地方可以改善，市場亦有很多其他選擇。但我不會作產品比較，分享的主要是個人經驗。 先 Set the Scene：我是每天晚上太約九至十點半，等阿仔瞓左之後和我瞓之前的時間去跑的。這似乎是我每天唯一可以騰出的空檔。 之前未能夠持之以恆，除了懶之外，每次運動前要準備一大輪也是我少去跑的原因。去跑，Armband 是常用裝備，但每次跑完都濕透要清洗。冇恆心又懶的我，經過一天漫長工作折騰，有時只要是 Armband 未乾，已經可以打垮我丁點的運動決心。我知可以買多個備用又或者拿著電話跑，但冇恆心的我，可以有無限藉口，這只是毒男爸爸比自己感覺良好的其中一個而已。 就行動方便來說，其實只要 calibrate 隻錶，就不需要每次運動都 iPhone 跟身。方法很簡單，只是頭幾次帶 iPhone 來運動，開 GPS

由的起心肝跑歩開始，已經一星期多。早前為「有頭威唔和有冇尾陣」的準備，那電子手錶其實就是隻 Apple Watch。😅 在買 Apple Watch 之前，做了一些簡單 research。坊間太多所謂的 review，其實不外乎四類： 鱔稿：基本上將蘋果網站或 Keynote 的內容，以第一身再講一次，加個開箱報告，然後話你知點買。呢類，睇完完全等於冇睇。 神枱式供奉：由開箱到每個細節，做到品評藝術品一樣。慢鏡 pan shot 加長氣 voice over，務求比大家睇到隻錶每一微米有幾正。呢類，睇完亦完全等於冇睇。 地獄式踐踏：無盡地數臭奚落，只是集中講隻錶冇乜冇乜，呢樣唔得果樣唔掂。再加個極端測試，又浸又煲又掉又叮，最後華麗地破壞隻錶⋯我完全感覺唔到我在看 product review。呢類，睇完都係完全等於冇睇。