童言集：光芒四射的⋯雞

小朋友的歌，大大話話都有幾廿個 Versions，同一個 Melody 唔同嘅詞真是司空見慣。我所指的，是幾歲人仔的同曲不同詞，而並唔係大家中小學那些充滿玩味的粗口意淫歌詞。😏

近期巧合學校同婆婆都教了不同 Versions，阿仔就來個炒埋一碟的 Medley 。

＊場地：客廳

＊年齡：兩歲幾

＊背景：婆婆媽媽爸爸一齊同阿仔傾，在學校唱了什麼歌。

爸爸：「好，準備開始唱，一二三！」然後自製背景音樂。婆婆媽媽拍和。

阿仔搖住唱：

🎶🎶🎶🎶🎶🎶🎶🎶🎶🎶🎶🎶🎶🎶

🎶 打開蚊帳，打開蚊帳，

🎶 有隻雞，有隻雞，

🎶 快Ｄ快Ｄ出黎，快Ｄ快Ｄ出黎，

🎶 照著我，照著你！

🎶🎶🎶🎶🎶🎶🎶🎶🎶🎶🎶🎶🎶🎶

我腦裡面即時有隻充滿陽光氣色的雪雞，擺好甫士向著我。全部人笑到轆落地。

阿仔應該未知我們笑什麼，還沾沾自喜一齊笑。佢應該覺得自己唱得好好。

之後再唱，變種歌詞再來：

🎶🎶🎶🎶🎶🎶🎶🎶🎶🎶🎶🎶🎶🎶

🎶 打開雪櫃，打開雪櫃，

🎶 有隻蚊，有隻蚊，

🎶 快Ｄ攞把刀黎，快Ｄ攞把刀黎，

🎶 照著我，照著你！！

🎶🎶🎶🎶🎶🎶🎶🎶🎶🎶🎶🎶🎶🎶

呢個情況更加刀光劍影。大家繼續笑。

阿仔見到我們笑得不尋常，好像知道唔對路，最後我同佢講：「你知唔知其實係幾首歌黎？」

阿仔：「知。」

爸爸：「真係知？」

阿仔：「係知。」

爸爸：「噤你唱一首學校唱果首，比婆婆媽媽爸爸聽啦。」

阿仔最後真係用成首「太陽伯伯」作結。仲要冇唱錯歌詞。好嘢！